सप्तरीको दलित बस्तीमा रायपुरमा बिहान साढे ११ बजे लागेको आगोले ४४ घर स्वाहा पारेको छ ।

चुल्होको आगो ननिभाएपछि आगलागी भएको स्थानीयलाई उद्धृत गर्दै इलाका प्रहरी कार्यालय रुपनीले जनाएको छ । स्थानीय धुतरी सदाले खाना पकाएर चुल्होको आगो ननिभाउँदा फुसको छानो टिपेपछि आगो सल्किएको हो । आगलागी भइरहेका बेला हावा पनि उत्तिकै चलेकाले आगो झन बढी सल्किएको थियो ।

गाउँका पुरुषहरु बाहिर काममा गएको बखत तत्कालै आगोलाई नियन्त्रणमा लिन नसक्दा ठूलो क्षति भएको इप्रका रुपनीका इञ्चार्ज बलमबहादुर प्रधानले बताए ।

४४ घर ध्वस्त पारेको आगोले सिंगो दलित बस्तीको अन्नपात, लत्ताकपडा सहितसम्पूर्ण धनमाल जलेर नष्ट भएको छ ।
आगोलाई नियन्त्रणमा लिन राजविराज र लहान नगरपालिकाबाट बारुण यन्त्र मगाउनुपरेको थियो ।

स्थानीयबासी, नेपाल तथा सशस्त्र प्रहरी र नेपाली सेनाको दुई घण्टाको प्रयासपछि आगो निभाउन सकिएको थियो ।
श्रवणकुमार देव, सप्तरी

प्रतिकृया दिनुहोस