२ पुसमा कावासोतीमा दुईजनाको ज्यान जाने गरी भएको बस दुर्घटनामा ४० जना घाइते भएका थिए ।

जिल्ला प्रहरी कार्यालय नवलपरासीका अनुसार काठमाडौंबाट भारततर्फ फर्कदंै गरेका शिवरात्रीका तिर्थयात्री लिएर फर्कदै गरेको युपी ५३ सी टी २२ ५५ नम्बरको बसको ठक्करले नवलपरासीको भुजहवा ६ बस्ने ४५ बर्षीय रामअवध केवटको ज्यान गएको हो ।

ठक्करबाट घाइते भएका केवटको उपचारको क्रममा पृथ्वी चन्द्र अस्पताल परासीमा ज्यान गएको हो । बस र चालकलाई जिल्ला प्रहरी कार्यालय परासीले नियन्त्रणमा लिएको जनाएको छ ।

आजै पुर्वपश्चिम राजमार्ग अन्तरगत रजहरमा बस दुर्घटना हुदा ३४ जना घाईते भएका थिए ।

तीन दिनमा नवलपरासीमा भएका चारवटा दुर्घटनामा दुई जनाको ज्यान गएको छ भने ५५ जना घाईते भएको जिल्ला ट्राफिक प्रहरी कार्यालय नवलपरासीले जनाएको छ ।

—————————————————————–

नवलपरासीमा बस दुर्घटना, ३४ घाईते

पूर्वपश्चिम राजमार्ग अन्तरगत नवलपरासीमा पछिल्लो समयमा दैनिक सवारी दुर्घटना हुन थालेको छ ।

३० फागुनमा रजहरमा रहेको मकुन्डे खोला पुलमा बस ठोकिंदा बसमा सवार ३४ जना घाईते भएका छन् । नारायणगढबाट कावासोती आउदै गरेको ना २ ख ६६७६ नम्बरको बस अनियन्त्रित भई पुलमा ठोकिंदा बस दुर्घटनामा परेको हो ।

दुर्घटनामा पर्नेमा अमरापुरीका ३७ बर्षीय पुनममाया रानामगर, दिब्यपुरी–६ का २१ बर्षीय युवराज मल्ल, दिब्यपुरी–४ का १८ बर्षीय कुलबहादुर लुङ्गेली, कावासोती– १ का २२ बर्षीय सुमन रिजाल, रजहर–८ का नरबहादुर परियार लगायतका ३४ जना घाईते भएको ईलाका प्रहरी कार्यालय कावासोतीले जनाएको छ ।

दुर्घटनामा परी घाईते भएका मध्ये ३० जनाको पुरानो मेडिकल कलेज र अन्यको दुम्कौली प्राथमिक स्वास्थ्य केन्द्रमा उपचार भइरहेको प्रहरीले जनाएको छ । घाईतेहरुको टाउको र हातमा बढी चोट लागेको छ । आठ जना गम्भीर भए पनि अधिकांश मध्यम खालका घाईतेहरु रहेको प्रहरीले जनाएको छ ।

२८ फागुनमा कावासोती जंगलमा बस पल्टदा २१ जना घाईते भएका थिए भने २९ फागुनमा गैंडाकोटमा रोकेको ट्रकमा ट्याक्सी ठोकिंदा एक जनाको ज्यान गएको थियो भने पाँच जना घाईते भएका छन् ।

दिनुहँ जसो सवारी दुर्घटना हुन थालेपछि जिल्ला ट्राफिक प्रहरी कार्यालय नवलपरासीले गति नियन्त्रण गर्न चालकहरुलाई अनुरोध गरेको छ ।

दुर्घटना प्राय विहान र अफिसको समयमा हुने गरेको छ ।
विद्रोही गिरी, नवलपरासी

प्रतिकृया दिनुहोस