पाल्पाको पोखराथोकमा जन्मिएका खिलराज रेग्मी चुनावी मन्त्रिपरिषदका अध्यक्ष र पाल्पाकै बन्दीपोखराका माधवप्रसाद घिमिरे परराष्ट्र एवम् गृहमन्त्री भएपछि जिल्ला बासीहरुले खुसियाली मनाएका छन् ।

अहिले सम्म पाल्पाबाट कुनै पनि ब्यक्ति मन्त्री समेत् भएका थिएनन् ।

आज बिहान ९ बजे खिलराज रेग्मीले चुनाबी सरकारको प्रमुखको रुपमा सपथ ग्रहण गर्ने जानकारी पाएका पोखराथोक बासीहरु ३० फागुन बेलुकादेखि नै रेग्मीको घरमा जम्मा भएर टेलिभिजन हेर्दै रमाइलो गरेका थिए ।

रेग्मीले सपथग्रहण गरेको टेलिभिजनमा हेरिरहेका खिलराजका काका टंकनाथ र काकी बिष्णुकुमारीले हर्षको आँसु खसाएपछि भेला भएका सबैको आँखा हर्षले भिजे ,

पोखराथोक बासीले बिहानै देखि आपसमा मिठाई बाडेर खुसी ब्यक्त गरेका छन् भने आज बेलुका नाच गान गरेर खुसियाली मनाईने तयारी भएको स्थानीय झपेन्द्र गैरेले जानकारी दिए ।

गैरे भन्छन, “हामीलाई प्रधानमन्त्री र मन्त्री पाल्पाकै भएकोमा जिल्लाको विकास हुने अपेक्षा भन्दा पनि हाम्रै जिल्लाका व्यक्तिले राजनीतिक गतिरोधको अन्त्य गरुन भन्ने चाहेका छौं ।”

देब पचभैया, पाल्पा

प्रतिकृया दिनुहोस