चिनियाँ संसद नेशनल पिपुल्स कांग्रेसको बिहीबार बसेको बैठकले उनलाई चीनको राष्ट्रपति पदमा निर्वाचित गरेको चीनको राजधानी बेइजिङ्बाट विभिन्न अन्तर्राष्ट्रिय सञ्चारमाध्यमहरुले जनाएका छन् ।

उनी चिनियाँ कम्युनिष्ट पार्टीको महासचिव पदमा नियुक्त भएको चार महिनापछि बिहीबार चिनियाँ संसदले उहाँलाई औपचारिक रुपमा राष्ट्रपति पदमा निर्वाचित गरेको हो ।

चिनियाँ संसदको बिहीबारको बैठकमा भएको राष्ट्रपतीय निर्वाचन सम्बन्धी समितिको अध्यक्षता गरेका कम्युनिष्ट पार्टीका एकजना वरिष्ठ सदस्य लिउ युनसाहले सो जानकारी गराए ।

सो बैठकमा उनले भन्नुभयो, “अब म यो घोषणा गर्न चाहन्छु कि चिनियाँ राष्ट्रपतिका लागि भएको निर्वाचनमा कम्युनिष्ट पार्टीका महासचिव सि जिनपिङ निर्वाचित हुनुभएको छ ।”

५९ वर्षीय सिलाई सो पदमा निर्वाचित गर्ने लगभग निश्चित नै भएको थियो ।

चीनमा राष्ट्रपति कार्यकारी पद हो । त्यहाँको उपराष्ट्रपति भने औपचारिक (सेरेमोनियल) पद मानिन्छ ।
रासस

प्रतिकृया दिनुहोस