राजनीतिक स्थिरता नहुँदा विस्तृत शान्ति सम्झौता कार्यान्वयन हुन नसकेको उल्लेख गर्दै संयुक्त राष्ट्रसंघका महासचिव बानले चुनावी सरकारको गठनले राजनीतिक गतिरोध अन्त्य गर्ने विश्वास व्यक्त गरेका छन् ।

महासचिवका प्रवक्ताले जारी गरेको वक्तव्यमा बानले नयाँ चुनावका लागि अनुकूल वातावरण सिर्जना गर्न र विस्तृत शान्ति सम्झौताका प्रतिबद्धता कार्यान्वयन गर्ने कामलाई गति प्रदान गर्न सबै पक्षसंग आग्रह गरेका छन् ।

वक्तव्यमा राष्ट्रसंघको राजनीतिक मामिलासम्बन्धी उप-महासचिव जेफ्री फेल्टम्यानले आउँदो मंगलबारदेखि नेपाल भ्रमण गर्ने उल्लेख गरिएको छ ।

महासचिव बानले आफ्ना प्रतिनिधिको भ्रमण नेपालको शान्ति प्रक्रियामा भएको प्रगति प्रति राष्ट्रसंघको प्रतिबद्धता व्यक्त गर्ने अवसरका रुपमा रहने उल्लेख गरेका छन् ।

प्रतिकृया दिनुहोस