बुहारी र नाती मृत भेटिएको खबर सुनेको केहि समयपछि ५ चैतमा बुद्धरानी लिम्बुको पनि ज्यान गएको हो ।

स्थानीय मंगलसिहं सावांले दिएको जानकारी अनुसार एउटै घरका ३ जनाको मृत्यु भएको छ भने १४ दिनका शिशु बेपत्ता छन् । सांवा गाविसको दलैंचाका ३८ बर्षीया कमला लिम्बु र कमलाका ५ बर्षीय छोरा स्थानीय मेवा खोलामा मृत अवस्थामा फेला परेका थिए । कमलाका १४ दिनका छोराको अत्तोपत्तो छैन ।

स्थानीयका अनुुसार कमलाले आफ्ना ५ बर्षे र १४ सन्तालाई लिएर कमला घरबाट निक्लेकी थिइन् । कमलाले आफ्ना सन्तानका साथ आत्महत्या गरेको हुन सक्ने स्थानीयको अनुमान छ ।

जिल्ला प्रहरी कार्यालयका प्रहरी निरीक्षक सञ्जिवबाबु खड्काले घटनाबारे अनुसन्धान जारी रहेको भन्दै शवको पोष्टमार्टमपछि मात्रै बिस्तृत जानकारी आउने बताए ।

घटना स्थल सदरमुकामबाट एक दिनको पैदल दुरीमा पर्दछ ।

राजेन्द्र श्रेष्ठ, ताप्लेजुङ्

प्रतिकृया दिनुहोस