१२ चैतमा निर्वाचन आयोगका पदाधिकारीहरुबीचको छलफलपछि प्रमुख आयुक्त उप्रेतीले नेपालसँग यसअघि पटक पटक चुनाव गरेको अनुभव भएकोले असारमा चुनाव गर्न सकिने बताएका छन् । अरू देशको अनुभव हेर्दा पनि नेपालमा आउने असारमा चुनाव सम्भव रहेको उप्रेतीको भनाई छ ।

संविधानसभाको दोस्रो चुनावको तयारीका विषयमा छलफल गर्न १२ चैतमा निर्वाचन आयोगका पदाधिकारीहरूको बैठक बसेको थियो । बैठकमा आयोगको आन्तरिक तयारी के कस्तो छ भन्ने विषयमा छलफल भएको र यसबारे स्पष्ट भएपछि कार्यतालिका बनाउने विषयमा छलफल अघि बढाउने पनि उप्रेतीले बताए ।

दलहरूसँग छलफल गरेर मात्र निर्वाचनको कार्यतालिका ल्याउने आयोगले जनाएको छ । नयाँ पदाधिकारी नियुक्त भएपछि पहिलो पटक आज आयोगको बैठक बसेको हो ।

प्रतिकृया दिनुहोस