जिल्ला अदालत रुकुममा वैधानिक वकिल राख्ने विषयमा बार एशोसियसनले सिफारीस गरेको व्यक्तिलाई अदालतले नराखेको भन्दै वकिलहरुले इजलास बहिष्कार गर्दै आएका छन् । वकिलले अदालतमा हुने कार्यक्रमको बहिष्कार गरेपछि सेवाग्राही मारमा परेका छन ।

वैधानिक वकिलको लागि बार इकाइले अधिवक्ता गणेश हमाललाई सिफारिस गरेको थियो तर, अदालतले अधिवक्ता डा.नवराज गौतमलाई नियुक्त गरेपछि वकिलहरु आन्दोलनमा उत्रिएको नेपाल वार रुकुमका अध्यक्ष भूवनेश्वर शर्माले बताए ।

शर्माका अनुसार बारले निर्णय गरेको अधिवक्तालाई वैतनिक वकिलमा नियुक्ति नदिएको भन्दै इजालाश वहिष्कार गरिएको छ । नेपाल सरकारको अधिकृत तहको सेवा सुविधा प्राप्त हुने वैतनिक वकिल राख्ने विषयमा अदालत र बारबीच सम्वन्ध विग्रिएको वकिलहरुले बताएका छन ।

बैतनिक वकिल अदालतले विज्ञापन गरेर राख्ने भए पनि यस अघि बार एशोसियनको सिफारिसमा वकिल नियुक्त हुने प्रचलन थियो । अदालतको निर्णय फिर्ता नभएसम्म आन्दोलन जारी रहने बारले जनाएको छ ।

न्यून आर्थिक स्थिति भएकाहरुको तर्फबाट निःशुल्करुपमा कानुनी सेवा दिने उद्देश्यले अदालतले एक जना वैतनिक वकिल राख्ने गरिएको जिल्ला अदालत रुकुमले जनाएको छ ।
लक्ष्मण केसी, रुकुम

प्रतिकृया दिनुहोस