देशमा संविधान सभाको निर्वाचनमा विभिन्न दलहरुबीच चुनावी तालमेल हुने चर्चा चलिरहेका बेला एमाले अध्यक्ष झलनाथ खनालले लोकतान्त्रिक शक्तिहरुबीच चुनावमा कार्यगत एकता गरिने बताएका छन् । यसअघि नेपाली कांग्रेस सभापति सुशील कोइरालाले पनि लोकतान्त्रिक दलहरुले चुनावी तालमेल गर्नुपर्ने बताएका थिए ।

१७ चैतमा कञ्चनपुरको बेलौरीमा आयोजित पत्रकार सम्मेलनमा खनालले भने, “नेकपा एमालेले लोकतान्त्रिक शक्तिहरुबीच कार्यगत एकता गरेर चुनाव लड्छ ।”

निर्वाचन आयोगले असारमै निर्वाचन गर्नका लागि कानूनी र प्राविधिक तयारी गरिहेको भन्दै अध्यक्ष खनालले कारणवश असारमा निर्वाचन हुन नसके राजनीतिक दलहरुको सहमतिमा आगामी मंसीरमा निर्वाचन हुने बताए ।

सरकारले पर्याप्त गृहकार्य गरेर मात्रै निर्वाचनको मिति घोषणा गर्नुपर्नेमा खनालले जोड दिएका थिए ।

प्रतिकृया दिनुहोस