१७ चैतमा रिपोर्टर्स क्ल्बले आयोजना गरेको कार्यक्रममा बोल्दै मन्त्रिपरिषद अध्यक्ष खिलराज रेग्मीले नेकपा–माओवादी सहित आन्दोलनमा रहेका दलहरुलाई वार्ताको माध्यमबाट समस्याको समाधान खोज्न आग्रह गरेका छन् ।

सरकार सबै दलहरुलाई समेटेर निष्पक्ष चुनाव गराउन प्रतिवद्ध रहेको भन्दै रेग्मीले निर्वाचनबाट कुनै दल पनि भाग्न नहुनेमा जोड दिए । सरकार संविधानसभाको चुनावको तयारीमा होमिसकेको र तोकिएको मितिमै चुनाव गराउने रेग्मीको दाबी छ ।

“चुनावबाटै लोकतन्त्र प्राप्त हुन्छ,” अध्यक्ष रेग्मीले भने, “म सबै दल र नागरिकहरुलाई चुनावमा भाग लिएर संविधानसभाको चुनाव सफल पार्न आग्रह गर्दछु ।”

उनले संवैधानिक निकायहरुमा नियुक्ति र चुनावका लागि चाहिने कानूनको संसोधनमा सरकार लागि सकेको भन्दै केही दिनमा चुनावको मिति घोषण हुने पनि बताएका थिए ।

प्रतिकृया दिनुहोस