पाल्पाबाट प्रहरीले एकमहिनाको अवधिमा स‌ंकलन गरेका अवैध हतियारहरु पत्रकार सम्मेल गरी सार्वजनिक गरेको छ । तस्बीर: देब पचभैया, पाल्पा

पाल्पा प्रहरीले २१ चैतमा तानसेनमा पत्रकार सम्मेलन गरी एक महिनाअघि देखि संकलन गरिएका ५२३ थान भरुवा बन्दुक, ३६ थान ह्याण्ड ग्रिनेड र एक थान सकेट बम सार्वजनिक गरेको छ ।

जिल्ला प्रहरी कार्यालय र मातहतका प्रहरी युनिटहरुबाछ घरदैलो अभियान गरी हतियार संकलन गरिएको जिल्ला प्रहरी कार्यालय पाल्पाका प्रमुख, प्रहरी नायब उपरीक्षक स्थानेश्वर रेग्मीले जानकारी दिए ।

प्रमुख जिल्ला अधिकारी नवराज बरालले देशभरमै सबैभन्दा बढी अवैध हतियार पाल्पाबाटै संकलन भएको दाबी गरे ।
बढी हतियार संकलन गर्ने प्रहरी चौकीहरुलाई पुरस्कृत गरिने प्रहरी प्रमुख रेग्मीले बताएका छन् ।

अझै पनि गाउँ गाउँमा अबैध हतियार रहेको जानकारी प्राप्त भएकाले अब एक महिनाभित्रै आफूसँग रहेका अबैध हतियार प्रहरीलाई बुझाउन पनी जिल्ला प्रहरीले आग्रह गरेको छ ।
देब पचभैया, पाल्पा

प्रतिकृया दिनुहोस