मातृशिशु मृत्युदर न्युनिकरणमा स्वास्थ्य स्वयमसेविकाहरुको अहम भूमिका छ । फाइल तस्बीर

पर्साको सीर्सिया खल्वाटोलास्थित इलाका हेल्थ पोष्टका प्रमुखले स्वास्थ्य स्वयम सेविकाको खाजा भत्ता आफैंले खाएको स्वयमसेविकाहरुले बताएका छन् ।

यस्तो समस्या सिर्सियाको मात्रै नभएर मुलुकका अधिकांश क्षेत्रका स्वास्थ्य स्वयमसेविकाहरुको हो । पोलियो थोपा ख्वाउनेदेखि सुरक्षित मातृत्वका लागि चेतनाको विस्तारसम्म र सरकारका स्वास्थ्यसम्बन्धी कार्यक्रमहरु घरघरसम्म पुर्याउनमा स्वास्थ्य स्वयमसेविकाकै भूमिका रहन्छ ।

सिर्सिया हेल्थपोष्टका प्रमुख अमृत भगतले स्वास्थ्य स्वयमसेविकाहरुका लागि दिने खाजा भत्ताको रकम नदिई आफैंले लिएको स्वयमसेविकाहरुले आरोप लगाएका छन् ।

स्थास्थ्य स्वयम सेविकाहरुले बैठकका बेला पाउने दैनिक सय रुपैयाँ भत्तामा भगतले ६५ रुपैयाँ आफैंले राखेर ३५ रुपैयाँ मात्रै दिने गरेको सिर्सिया खल्वाटोलाका स्वास्थ्य स्वयमसेविकाले बताए ।

हेल्थपोष्ट प्रमुख भगतले विगत केहि समयदेखि इलाका हेल्थपोष्ट व्यवस्थापन समितिको बैठक पनि नवोलाएर एक्लौटी ढंगले काम गर्दै आएको उनीहरुको दाबी छ ।
बिम्मी शर्मा, वीरगञ्ज

प्रतिकृया दिनुहोस