रेडियो मिर्मिरेको छैठौं वार्षिकोत्सवको अवसरमा २६ चैतमा आयोजित कार्यक्रममा बोल्दै वैद्यले जनतालाई केन्द्रविन्दुमा राख्नुभन्दा पनि आफैलाई केन्द्रविन्दुमा राखेर काम गरेका कारण उनीहरू सम्राटको मानसिकतामा रहेको बताए । प्रमुख चार राजनीतिक शक्तिको कुनै संवैधानिक हैसियत नभएकाले उसले बोलाएको वार्तामा नजाने बरु उनीहरूसँग छुट्टाछट्टै राजनीतिक दलका हैसियतले वार्ता गर्न सक्ने उल्लेख गरे । अध्यक्ष वैद्यले भने, “चार दलको आह्वान अस्वीकार्य छ । अब वार्ता गर्नुको अर्थ छैन र रहँदैन ।”

कार्यक्रममा सङ्घीय समाजवादी पार्टीका महासचिव राजेन्द्र श्रेष्ठले नेकपा एमाले र नेपाली काँग्रेस यथास्थितिवादी पार्टी भएको बताउँदै एमाओवादीले पनि परिवर्तनका लागि लडेको सेना नै विघटन गरेर गद्धारी गरेको आरोप लगाए । उनले चार दलीय एकाधिकार तोड्नकालागि संविधानसभाको पुनःस्थापना वा गोलमेच सम्मेलनबाट विकल्प खोज्न आग्रह गरे ।

प्रतिकृया दिनुहोस