फाइल तस्बीर

एमाले मुख्यालय बल्खुमा जारी बैठकमा सदस्यहरुले निर्वाचनलाई प्रभावित पार्नेगरी भट्टराई सरकारले गरेका राजनीतिक नियुक्तिहरु तत्कालै खारेज गरी नया“ नियुक्तिका लािग सरकारलाई दबाब दिनुपर्ने बताएको प्रदीप ज्ञवालीले बताएका छन् ।

त्यस्तै उच्चस्तरीय राजनीतिक संयन्त्रले अख्तियारको प्रमुखमा पूर्व मुख्य सचिव लोकमानसिंह कार्कीलाई नियुक्त गर्न सिफारिस गरेकोप्रति आपत्ति जनाएका छन् । उनीहरुले अख्तियार तथा रायमाझी आयोगले नै दोषी ठहर गरेका व्यक्तिलाई पुन: नियुक्तिका लागि सिफसिर गर्न नहुने भन्दै तत्काल सच्याउन संयन्त्रका सदस्य एवं पार्टी नेतृत्वलाई दवाव दिएका छन् । बैठकमा असारमा हुने भनिएको निर्वाचन तयारीका बारेमा सरकार र आयोगस“ग औपचारिक धारणा माग गर्ने बारे पनि छलफल भएको छ ।

निर्वाचन रणनीतिबारे यसअघिको बैठकमा छलफल भए पनि ठोस कार्यक्रम तय हुन सकेको थिएन । पार्टीभित्रको रिक्त स्थान पूर्ति, मनोनयनलगायतका एजेन्डाहरु पनि पटकपटक था“ती रह“दै आएका छन् । बैठकले थाँती रहेका एजेन्डालाई पनि टुंगोमा पुर्‍याउने पोलिटब्युरो सदस्य ज्ञवालीले जानकारी दिए ।

त्यसैगरी बैठकले अन्य पार्टी परित्याग गरेर एमालेमा प्रवेस गर्ने नेता तथा कार्यकर्ताहरुको जिम्मेवारीलगायतका विषयमा पनि छलफल गर्नेछ । संविधानसभा निर्वाचनमा क्षेत्र निर्धारण, निर्वाचन आयोगले प्रस्ताव गरेको थ्रेस होललगायतका विषयमा पार्टीको आधिकारिक धारणा तय गर्नेछ ।

एमालेमा आठौं महाधिवेशनको चार वर्ष बितिसक्दा पनि पा“च प्रतिशत केन्द्रीय सदस्य मनोनयनको एजेन्डामा छलफल हुन सकेको छैन । बैठकमा आगामी केन्द्रीय समितिका एजेन्डाबारे पनि छलफल हुनेछ ।

प्रतिकृया दिनुहोस