लामो समयको विदेश वसाईपछि निर्वाचनका लागि पाकिस्तान फर्केका सैनिक शासक मुशर्रफलाई इस्लामावादको ‘सुप्रिम कोर्ट’ ले न्यायाधीशहरुलाई गैर कानूनी तरिकाले हिरासतमा राखेको मुद्दाको सुनुवाई गर्दै पक्राउ आदेश जारी गरेको हो । न्यायालयले मुशर्रफको जमानतको अपील पनि खारेज गरेको छ ।

पक्राउ आदेश जारी हुँदा मुशर्रफ अदालतमै रहेको र त्यसपछि उनी आफ्ना सुरक्षाकर्मीहरुसँगै अदालतबाट बाहिरिएको पाकिस्तानी सञ्चारमाध्यमहरुले जनाएका छन् ।

जनरल मुशर्रफले आफ्नो शासन कालका बेला संकटकाल लागू गरेको र सन् २००७ मा बरिष्ठ न्यायाधीशहरुलाई हिरासतमा लिएको र बर्खास्त गरेको बारेमा न्यायालयमा मुद्दा चलिरहेको छ ।

सन् २००८ मा सत्ताबाट हटेपछि मुशर्रफ विदेशमा बस्दै आएका थिए । आगमी मे महिनामा हुने निर्वाचनमा भाग लिन उनी स्वदेश फर्केका हुन् । यद्दपी उनले चार स्थानबाट दिएको उम्मेदवारी समेत रद्द भइसकेको छ ।

प्रतिकृया दिनुहोस