विमानस्थलमा चल्ने ट्याक्सीहरुले साझा बस सञ्चालनको विरोध गरेको भए पनि पछि ब्यवसायीहरुसँगको बार्तामा सहमति भएपछि साझाले त्रिभुवन अन्तर्राष्ट्रिय विमानस्थलसम्म आफ्नो सेवा दिन शुरु गरेको छ ।

ट्याक्सीवालाहरुको मागलाई ध्यानमा राख्दै आन्तरिक टर्मिनल तर्फ नगई अन्तर्राष्ट्रिय तर्फ रहेको फोहरा घुमेर साझा बस फर्कने छ । त्यहाँ यात्रु ओर्लान र चढाउन ५ मिनेट बस रोकिने साझाको प्रवन्धक महेन्द्र पाण्डेले जानकारी दिए ।

विमानस्थलभित्र जाँदा हवाई यात्रु र परिचयपत्र बाहक कर्मचारीहरुलाई मात्रै लान पाउने ब्यवस्था गरिएको छ ।

काठमाडौंको सिमित स्थानमा मात्रै सेवा दिइरहेको साझाको सेवा विस्तार गर्नु पर्ने उपभोक्ताहरुले माग गरेका छन् ।

निजी बस र माइक्रोबसले यात्रु खाँदेर हाल्ने, राम्रो ब्यवहार नगर्ने र ट्राफिक नियमको समेत उल्लंघन गर्ने गरेकाले पनि साझाप्रति आम उपभोक्ताको भरोषा र अपेक्षा बढेको छ भने निजी ब्यवसायीहरु आफ्नो सेवा गुणस्तरीय बनाउन पनि साझाले चुनौति थपिदिएको छ ।

प्रतिकृया दिनुहोस