प्रेस युनियन बाँकेले १० बैशाखमा नेपालगञ्जमा आयोजना गरेको पत्रकार सम्मेलनमा कांग्रेस सभापति सुशील कोइरालाले आफ्नो पार्टीले आगामी निर्वाचनमा अन्यदलहरुसँग मोर्चाबन्दी गर्ने सम्भावना नरहे पनि स्थानीयस्तरमा भने तालमेल हुनसक्ने बताएका छन् ।

“केही शीर्ष नेताहरुको जीत सुनिश्चि गर्नका लागि लोकतान्त्रिक शक्तिसँग स्थानीय स्तरमा तालमेल गर्न सकिन्छ तर, पूरै अलाएन्सको सम्भावना छैन,” कोइरालाले भने ।

कोइरालाले कार्तिकको अन्तिम वा मंसीरको पहिलो हप्ताभित्रमा निर्वाचन हुने भन्दै आफ्ना स्वार्थलाई छोडेर मुुलुकलाई संकटबाट निकास दिनका लागि निर्वाचन प्रक्रियामा सहभागी हुन निर्वाचनको विरोध गरिरहेका दलहरुलाई आग्रह गरे ।

उनले आन्दोलनरत नेकपा–माओवादी अध्यक्ष मोहन वैद्य र मधेशी जनाधिकार फोरम अध्यक्ष उपेन्द्र यादवलाई पनि उच्चस्तरीय राजनीतिक संयन्त्रमा आउन गरेको जानकारी दिए । कोइरलाले भने, “मैले वैद्यजीलाई प्रक्रियामा आउन आग्रह गरिसकेको छु, उपेन्द्रजीसँग पनि काठमाडौं गएपछि कुरा गर्छु ।”

प्रतिकृया दिनुहोस