प्रहरी प्रधान कार्यालयले १२ बैशाखमा चितवनमा आयोजना गरेको स्थानीय सुरक्षा निकायको भूमिका विषयक अन्तरक्रियामा बोल्ने सर्वपक्षीय सरोकारवालाहरुले नेपाल प्रहरीमा पद्धतिको विकास नभएकाले मानव संवेदनाका विषयमा प्रहरी अनभिज्ञ रहेको बताए ।

कानुनी दायरामा ल्याउनुपर्ने मुद्दाहरुमा राजनीतिक हस्तक्षेप, नातावाद र कृपावाद हाबी भएको उनीहरुको भनाइ छ । साथै मुलुकमा घुसखोरी, दण्डहीनता र भ्रष्टाचार मौलाउनमा सुरक्षा निकायले प्रत्यक्ष अप्रत्यक्षरुपमा सहयोग गरेको समेत उनीहरुले आरोप लगाए ।

कार्यक्रममा विभिन्न राजनीतिक दल, नागरिक समाज, महिला अधिकारकर्मी, व्यवसायी, पत्रकार तथा समाजसेवीले नेपालको सुरक्षा अवस्था र नेपाल प्रहरीका कमीकमजोरी औँल्याउँदै प्रहरीलाई संयमित हुँदै आफ्नो कर्तव्य पूरा गर्न सुझाव दिएका थिए ।

देशका विभिन्न जिल्लामा निरीक्षण गर्न निस्किएको प्रहरी टोलीमा प्रहरी प्रधान कार्यालयका वरिष्ठ प्रहरी उपरीक्षक सुरेशकुमार केसी र प्रहरी नायब उपरीक्षक विनोेद सिलवाल सहभागी थिए ।
रासस

प्रतिकृया दिनुहोस