एकहप्तादेखि जुनियर रेजिडेन्ट चिकित्सकहरुले गरिरहेको आन्दोलनका कारण विपी कोइराला स्वास्थ्य विज्ञान प्रतिष्ठान धरानले नयाँ विरामी भर्ना सीमित गरिएको र शल्य चिकित्सा सेवा स्थगन गरिएको जनाएको छ ।

विशेषज्ञ चिकित्सकहरुवाट मात्र सम्पूर्ण उपचार सेवा प्रदान गर्न सम्भव नभएकाले अर्को सूचना जारी नहँुदासम्म सीमित संख्यामा मात्रै नयाँ विरामी भर्ना गरिने अस्पतालका निर्देशक अरविन्द कुमार सिन्हाले जानकारी दिए ।

पत्रकार सम्मेलन गदै निर्देशक सिन्हाले आकस्मीक सेवा, आकस्मीक शल्यक्रिया सेवा, सघन उपचार सेवा, डाइलसिस सेवा तथा प्रसुती सेवा भने यथावत रुपमा सञ्चालन हुने जानकारी दिएका छन् ।

अस्पताल प्रसासनले दिएको जानकारी अनुसार पुरानो विरामी वाहेक मेडिकल ओपिडी २०, हाडजोर्नीमा २०, नाक–कान–घाँटीमा ३०, बाल ओपिडीमा २०, मानसिक रोगमा ५, आँखामा ३० र जेनेरल ओपिडीमा १०० जना मात्र नयाँ विरामी दर्ता गरिने छ ।

अस्पतालका सम्पूर्ण विभागमा नयाँ र पूराना विरामी गरि १ हजार भन्दा वढी विरामी दैनिक उपचारका लागि आउने गर्छन ।

प्रतिष्ठानका शिक्षादक्ष डा विक्रम श्रेष्ठले अन्दोलनरत जुनियर रेजिडेन्ट चिकित्सकहरुलाई आन्दोलनका कार्यक्रम फिर्ता लिइ पठन पाठन कार्यमा सहभागी हुन अनुरोध गरेका छन ।

जुनीयर रेजिडेन्ट (एमडी अध्ययनरत ) चिकित्सकहरु विभिन्न माग लिएर एक हप्तादेखि अस्पतालका कुलपति, निर्देशक, शिक्षाध्यक्ष लगायतका कार्यकक्षमा तालवन्दी गरेका छन ।

सीता मादेम्बा, धरान

प्रतिकृया दिनुहोस