२५ बैशाखमा आफ्नै निवास विराटनगरमा पत्रकारहरुसँग कुरा गर्दै फोरम अध्यक्ष उपेन्द्र यादवले अख्तियार दुरुपयोग अनुसन्धान आयोगमा लोकमानसिंह कार्कीको नाम सिफारिस गर्ने एमाओबादीको उद्देश्य खोजी गरिनु पर्ने बताएका छन् ।

“स्वच्छ छबी र उच्च नैतिकता भएकालाई नियुक्त गरिनुपर्ने ठाउ“मा बिवादास्पद कार्कीलाई कसरी सिफारिस गरियो, त्यो खोजी गरिनु पर्छ,” अध्यक्ष यादवले भने ।

कार्कीमा अलिकती पनि नैतिकता भएको भए उनले आफ्नै बिगतको बिवादास्पाद रेकर्ड र अहिले भइरहेको विरोधका बीच पद अस्वीकार गर्नुपर्ने पनि यादवले बताए ।

अहिलेको चुनावी सरकारले संवैधानिक अंगको नियुक्ति गरेर हैसियत नाघेको बताउँदै अध्यक्ष यादवले निर्वाचित सरकारले मात्रै गर्ने काम चुनावी सरकारले गर्न नहुने बताएका थिए ।

ठूला तीन दलको सिण्डिकेटले राजा महेन्द्रलेससम्म कल्पना नगरेको कर्मचारीतन्त्रलाई बढावा दिएको र सिण्डिकेटमा राष्ट्रिपति पनि अल्मलिएको यादवले आरोप लगाए ।

“राष्ट्रपति मुलुकको अभिभावक बन्न सकेनन्,” अध्यक्ष यादवले भने, “राष्ट्रपतिको गलत कदमले मुलक दलदलमा फसेको छ ।”

यादवले अदालतमा पनि निरंकुशता शुरु भएको दाबी गर्दै अहिलेको अदालत ‘मिलिट्री हेडक्वाटर’ सरह भएको आरोप लगाए ।

फोरम नेपाल चिर्वाचन बिरोधी नभएको भन्दै यादवले संविधान बन्ने सुनिश्चितता नभएसम्म चुनावमा भाग नलिने बताए ।

कमल रिमाल, विराटनगर

प्रतिकृया दिनुहोस