नेवार समुदायमा मनाइने मच्छिन्द्र नाथको जात्रा भोलि परेकाले पूर्ब निर्धारित नेपाल बन्दको कार्यक्रम फिर्ता लिइएको मोर्चामा आबद्ध क्रान्तिकारी कम्युनिष्ट पार्टी नेपालका महासचिव मणि थापाले बताएका छन् ।

नेवार समुदायका अगुवाहरुले बन्द फिर्ता लिन आग्रह गरेपछि २९ बैशाख बिहान नेकपा–माओवादी पार्टी कार्यालय बुद्धनगरमा बसेको ३३ दलको बैठकले बन्द फिर्ताको निर्णय गरेको हो ।

नेवार समुदायका नागरिकको भावनालाई कदरगर्दै बन्द फिर्ता लिने निर्णय बैठकले गरेको महासचिव थापाले बताए ।

३३ दल सम्बद्ध जनवर्गीय सङ्गठनहरुले ३१ बैशाख बिहान ९ देखि ११ बजेसम्म अख्तियार दुरुपयोग अनुसन्धान आयोगको कार्यालय अगाडि विरोध प्रदर्शन गर्ने निर्णय पनि आजको बैठकले गरेको छ ।

अख्तियार प्रमुखमा नियुक्त कार्की भ्रष्टाचारी र जनआन्दोलन दबाउन सक्रिय भएको भन्दै ३३ दलीय मोर्चाले कार्कीको नियुक्ति खारेज, प्रमुख चार राजनीतिक शक्तिबीचको ११ बुँदे सहमति र २५ बुँदे बाधाअड्काउ फुकाउको विरोधगर्दै नेपाल बन्द गर्ने निर्णय यसअघि गरेको थियो ।

प्रतिकृया दिनुहोस