जनकपुरमा अनशनमा बसेका सदभावना पार्टीका नेता कार्यकर्ता

निर्वाचनको मिति घोषणा, समावेशी अध्यादेश, नागरिकता वितरणलगायतका विभिन्न १० बुँदे माग राख्दै राजेन्द्र महतो नेतृत्वको सदभावना पार्टीका नेता कार्यकर्ताहरुले मधेशका २२ वटै जिल्लाहरुमा र पहाडका कास्की र तनहुँमा समेत ३० बैशाखदेखि आमरण अनशनमा बसेका छन् ।

यसअघि सुनसरीमा अनशनमा ११ दिनदेखि अनशनमा बसेका पार्टीका केन्द्रीय सदस्य सन्तोष मेहतालगायतको स्वास्थ्यस्थिति विग्रिएपछि प्रहरीले उनीहरुलाई नियन्त्रणमा लिई धरान अस्पतालमा भर्ना गराएको थियो । त्यसलगत्तै आन्दोलन शुरु गरेको सदभावनाले ३० बैशाखदेखि आमरण अनशन शुरु गरेको हो ।

आफ्ना मागहरु पूरा नहुञ्जेल अनशन जारी रहने सर्लाहीमा अनशन बसिरहेका सदभावना पार्टीका केन्द्रीय सदस्य उपेन्द्र महतोले जानकारी दिए ।

प्रतिकृया दिनुहोस