घाइतेहरुलाई हेलिकप्टरबाट पोखरा ल्याइँदै । तस्बीर: माधव वराल

दुर्घटनमा घाइते भएकामध्ये चालक दलका दुइ सदस्यको अवस्था गम्भीर छ । जहाज दुर्घटनमा परे पनि आगलागी नभएका कारण मानविय क्षति भएन । जहाज अवतरण गर्ने क्रममा धावनर्मागबाट चिप्लिएर कालिगण्डकी नदी किनारमा पुगेको थियो ।

२ जेठ विहान ८ः३५ बजे भएको दुर्घटनामा परेकामध्ये जहाजका चालक दीपेन्द्र प्रधान र सहचालक सुरेश केसीलाई पोखरामा प्राथमिक उपचार गरी काठमाडौ लगिएको छ भने अन्य ८ जनाको पोखरामा उपचार भइरहेको छ । चालकद्वयको शरीरका विभिन्न भागमा चोट लाग्नुकासाथै विभिन्न भागको हड्डी भाँचिएको अस्पतालले बताएको छ । जहाजको अगाडीको भाग नदीकिनारमा बजारिएकोले चालक दलका सदस्यलाई गहिरो चोट लागेको हो ।

जहाज दुर्घटनामा परी घाइते जापानी नागरिक पोखरा अस्पतालमा । तस्बीर: माधव वराल

जहाज परिचारिका काठमाडौकी सन्तमाया तामाङ अर्घाखाचीकी मधु पन्त, पोखरा फुलबारीका सन्तोष विक, पर्वतका गोविन्द पहारीको पश्चिमाञ्चल क्षेत्रीय अस्पतालमा उपचार भइरहेको छ । सबैको अवस्था समान्य छ ।

त्यसैगरी जापनी नागरिकहरु कावा साचितो, टे«बाइ सुको, कावाकामी हिराके, याजावा याइकी, याजावा हिरोमीको पनि पोखरामा उपचार भइरहेको छ । दुर्घटनामा नेपालीहरु डिल्लीराज पन्त, लाक्पानिरु शेर्पा, उमाथापा मगर, पेमा गुरुङ, जीआर ठकुरी, के गुरुङ, एल शेर्पा र हिम सुङ घाइते भएको पश्चिम क्षेत्रीय प्रहरी प्रहरी कार्यालयका डिएसी दयानिधी ज्ञवालीले जानकारी दिए ।

जापानी नागरिक नाम्बो हाजीमे, सातो सित, अबिय किकोे पनि घाइते भएका छन् । जहाज दुर्घटनामा परेपछि नेपाली सेना, प्रहरी, स्थानीयबासीले घाइतेलाई उद्धार गरेका थिए ।

धावनमार्गमा घुम्दा चिप्लिएर कालीगण्डकी किनारामा खसेको जहाजको पखेटा भाँचिनुका साथै अगाडीको भाग क्षतविक्षत भएको छ । जहाज अवतरण गर्ने क्रममा बढी हावा चलेका कारण जहाज अनियन्त्रित भएर दुर्घटनामा परेको प्रारम्भिक अनुमान गरिएको छ ।

दुर्घटनामा परेका पर्वतका गोविन्द पहारीका अनुसार जहाज अवतरण पश्चातपनि गति नघटेपछि धावनमार्ग छाडेर कालीगण्डकीको किनारमा पुगेर बजारिएको हो ।

गत बर्ष पनि १ जेठमा मुस्ताङको मार्फा गाविसमा अग्नी एयरको जहाज दुर्घटनामा हुँदा दुई नेपाली सहित १५ जनाको मृत्यु भएको थियो । १ वर्षपछि फेरि जोमसोम जहाज दुर्घटना भएको हो । गत वर्ष पनि दुर्घटनामा परेको जहाजमा आगो नलागेको कारण ६ जनाको ज्यान जोगिएको थियो ।

माधव बराल, पोखरा
———————————————————————————-

नेपाल वायुसेवाको जहाज दुर्घटना(घाइतेहरूको नामसहित)

पोखराबाट जोमसोमको लागि उडेको नेपाल एयरलान्सको जहाज दुर्घटना भएको छ । दुर्घटनामा परेर चालक दलका सदस्यसहित १४ नेपाली र आठ जापानी गरी २२ घाइते भएका छन् ।

हिमालखबर
बिहीबार , २ जेठ २०७० ८:५२ एम

जहाज २ जेठ विहान ८ बजेर ३५ मिनेट जाँदा जोमसोम विमानस्थलमा अवतरण गर्ने क्रममा धावनर्मागमा चिप्लिएर दुर्घटना भएको हो । दुर्घटनामा परेर २२  जना घाईते भएको पश्चिम क्षेत्रीय प्रहरी कार्यालयका डिएसपी दयानिधी ज्ञवालीले जानकारी दिएका छन् ।

जहाजका पाइलट, को–पाइलट र एयरहोस्टेजलाई तारा एयरको जहाजबाट पोखरा ल्याइएको छ । अन्य घाइतेकालाई हेलिकोप्टरबाट पोखरा ल्याउने तयारी भएको प्रहरीले जानकारी दिएको छ । घाइते मध्ये डिल्लीराज, मधु र गोविन्दको अवस्था गम्भीर छ ।

पश्चिम क्षेत्रीय कार्यालय पोखराका अनुसार ५ जनाको अवस्था गम्भीर छ । जहाजमा ८ जना जापनी, १० जना नेपाली र तीन जना चालक सदस्य थिए । जहाज विमानस्थलबाहिर कालीगण्डकी किनारामा खसेको छ । जहाजमा आगलागी नभएका कारण मानवीय क्षति हुनबाट जोगिएको छ ।

घाइतेहरू
१ पाइलट डी प्रधान
२ को–पाइलट सुरेश केसी
३  एयरहोस्टेज सन्तमाया तामाङ
४ डिल्लीराज पन्त
५ मधु पन्त
६  गोविन्द पहारी
७ लाक्पानिरु शेर्पा
८ सन्तोष विक
९ उमा थापा मगर
१०  जीआर ठकुरी
११ के गुरुङ
१२  एल शेर्पा
१३ हिम सुङ

१४ पेमा गुरुङ

जापानी नागरिक
१५ नाम्बो हाजीमे
१ ६ सातो सित
१७ हाचियो
१८ याजावा याइकी
१९ याजावा हिरोमी
२० कावाकामी हिरोके
२१ अबिय किको
२२ ट्रेबाई सुको

माधव बराल, पोखरा

प्रतिकृया दिनुहोस