नेकपा–माओवादीले संखुवासभाको सूर्य बोर्डिङ स्कुलका सञ्चालक नारायण श्रेष्ठ अमेरिकामा बसोवास गर्दै आएको र विद्यालयबाट मुनाफा गरी पैसा अमेरिका लगेको भन्दै ३ जेठमा विद्यालय कब्जा गरेको घोषणा गरेको छ ।

उक्त विद्यालयमा अध्ययनरत विद्यार्थीहरुको शुल्क घटाउने, शिक्षकहरुको तलब सुविधा बृद्धि गर्ने र मुनाफा शैक्षिक क्षेत्रमै लगानि गर्नु पर्ने माओवादीका जिल्ला सेक्रेटरी आरपी किराँती बताए । माओवादी संखुवासभाद्वारा जारी विज्ञप्तिमा पार्टी सुदृढीकरण, जनपरिचालन र केन्द्र तथा जिल्लाले तय गरेका योजना कार्यन्यनका लागि १ महिने अभियान अन्तर्गत विद्यालय कब्जा गरेको उल्लेख छ ।

विज्ञप्तीमा जिल्लाका भ्रष्ट कर्मचारी, घुसखोर र समयमा काम सम्पन्न नगर्नेलाई ‘जनकारवाही’ समेत गर्न सक्ने उल्लेख छ ।

त्यसैगरी मतदाता नामावली संकलन गर्ने उद्देश्यले सञ्चालन गरिएको घुम्ती शिविरको कार्यक्रमलाई जिल्लामा बन्द गरिने पनि विज्ञप्तिमा भनिएको छ ।
छेटु शेर्पा, सङ्खुवासभा

प्रतिकृया दिनुहोस