कांग्रेस सहित चार दल सम्मिलित उच्चस्तरीय राजनीतिक समितिलाई चार दलको सिन्डिकेट भन्दै विरोध भइरहेका बेला कोइरालाले चार दलीय सिन्डिकेट तोड्नु पर्ने धारणा ब्यक्त गरेका छन् ।

४ जेठमा पोखरामा आयोजित दयाशंकर स्मृति पत्रकारिता पुरस्कार वितरण समारोहमा सभापति कोइरालाले उच्चस्तरीय समितिमाका विषयमा अन्य दलको आपत्ति आइरहेकाले सबै दललाई समेटेर सिन्डीकेट तोड्नुपर्ने बताएका हुन् ।

उनले नेकपा–माओवादी सहित ३३ दललाई सहमतिमा ल्याएउन आफुले छुट्टै वार्ता गरिरहेको र नेकपा–माओवादी चुनावको विपक्षमा नरहेको दावी गरे ।

कोइरालाले चार दलबीच आगामी संविधानसभा सदस्य सिटसंख्या प्रत्यक्षतर्फ २ सय ४० मात्रै राख्ने, थ्रेसहोल्ड १ प्रतिशत राख्ने सहमति भएको भन्दै अहिले एमाओवादी अध्यक्ष पुष्पकमल दाहालले सहमति विपरित भनाई राखिरहेको भन्दै आपत्ति प्रकट गरे ।

कार्यक्रममा प्रजातन्त्र सेनानी स्व.दयाशङकर पालिखेको स्मृतिमा स्थापित दयाशंकर स्मृति पत्रकारिता पुरस्कार–२०६९ सुनौलो पब्लिकेशन प्रालि पोखराका अध्यक्ष गंगाधर पराजुलीलाई प्रदान गरिएको छ ।

प्रतिकृया दिनुहोस