स्वर्गीय कृष्ण सेन ‘ईच्छुकको’ स्मृतिमा निर्मित नाटक ‘उनी मरेका छैनन्’को काठमाडौंमा प्रदर्शनीको शुभारम्भ गर्दै नेकपा–माओवादी अध्यक्ष मोहन वैद्यले २५ बुँदे बाधा–अड्काउ फुकाउ खारेज नभएसम्म देशले निकास पाउन नसक्ने बताएका छन् ।

“गोलमेचसभा गरी दलहरूबीचबाटै नयाँ प्रधानमन्त्री चयन गरेर, विगतका कमी कमजोरी सच्याउँदै नयाँ संविधान लेख्ने प्रक्रिया अगाडि बढाउनुपर्छ, ” वैद्यले भने ।

अध्यक्ष वैद्यलेले २००७ सालको क्रान्तिदेखि नेपाली जनतालाई पटक–पटक धोका दिइएको उल्लेख गर्दै फेरि पनि नेपाली जनतालाई धोका दिने षड्यन्त्र भइरहेको दाबी गरे ।

उनले नेपाली जनतालाई फेरि धोका दिइए त्यो आफूहरूलाई सह्य नहुने बताउँदै त्यसो गरिए सडकबाटै नयाँ संविधान बनाउँने र नयाँ जनवादी क्रान्ति सम्पन्न गर्ने चेतावनी समेत दिएका थिए ।

प्रतिकृया दिनुहोस