आप्रवासनसम्बन्धी विधेयकमा अमेरिकी सिनेटको न्यायिक समितिमा भएको मतदानमा विधेयकको पक्षमा १३ मत प्राप्त गरेपछि अब विधेयक सिनेट पूर्ण बैठकमा पेश गरिने भएको छ ।

यस सम्बन्धीमा सिनेटमा अर्को महिना बहस हुनेछ ।

दक्ष कामदारका लागि भिसा प्रतिवन्ध खुकुलो पार्ने रिपब्लिकन सांसदहरुको प्रस्तावमा सहमति भएसँगै आप्रवासन विधेयकले बहुमत माएको बीबीसीले जनाएको छ ।

न्यायिक समितिबाट विधेयक पास भएकोमा राष्ट्रपति बाराक ओवामाले समितिलाई वधाई दिएका छन् ।

आप्रवसनसंबन्धी नयाँ विधेयक पारित भएपछि अमेरिकामा गैरकानूनीमा रहेका एक करोड भन्दा बढी आप्रवसीले वैधानिक हैसियत प्राप्त गर्नेछन् । तर यसरी वैधानिकता प्राप्त गर्न चाहनेहरु ३१ डिसेम्बर २०११ भन्दा पहिलेदेखि अमेरिकामा बसोबास गरेको हुनुपर्नेछ ।

प्रतिकृया दिनुहोस