अमेरिकी नागरिक ५४ बर्षीया एलिजाबेथको सङ्खुवासभाको हटिया–५ सिम्बुङमा पहिरोमा परी मृत्यु भएकोे प्रहरीले जनाएको छ । उनीसँगै रहेका पर्यटक गाईड देविप्रसाद ओझा घाइते भएका छन् ।

पहिरोमा परी गम्भीर घाइते भएकी एलिजावेथलाई उपचारका लागि काठमाडौ लैजााने क्रममा ७ जेठ बाटोमै मृत्यु भएको हो ।

१७ जनाको अमेरिकी बिद्यार्थी टोलीसँगै भ्रमणका लागि आएकी एलिजावेथ हटिया, किमाथाङका भ्रमणपछि फर्कने क्रममा पहिरोमा परेकी थिइन् । बाँकी १५ जना भने सकुसल रहेको जिल्ला प्रहरी कार्यालयका सई श्याम राउतले जानकारी दिएका छन् ।

हिमपहिरोमा पुरिएका चिनियाँ पर्यटक अझै बेपक्ता

मकालु हिमाल आरोहण गरी फर्कने क्रममा १५ बैशाख बिहान ११ः५ बजेदेखि बेपत्ता भएका चिनियाँ पर्यटक अझै फेला पर्न सकेका छैनन् ।

११ बैशाखमा मकालु हिमाल आरोहणका लागि गएका राहदानी नं.९४७२३०७८३ भएका सागं याङ लियु १५ बैशाखमा फर्कने क्रममा मकालु हिमालको आधाशिविरबाटै बेपत्ता भएका थिए । मकालु निवासी मिङतेम्बा शेर्पाले गाइड गरेको १२ जनाको आरोहण टोलीमध्ये चीनियाँ नागरिक मात्रै बेपत्ता भएका थिए भने बाँकी ११ जना भने सकुसल फर्केका थिए ।

बेपक्ता पर्यटकको खोजी कार्य भइरहे पनि हालसम्म फेला नपरेको सङ्खुवासभा जिल्ला प्रहरी कार्यालयले जनाएको छ ।

छेटु शेर्पा, संखुवासभा

प्रतिकृया दिनुहोस