क्षेत्री समाजका महासचिव कुमार खड्काको नेतृत्वको टोलीले निर्वाचन आयोगले जारी गरेको नियमावली अनुसार ‘अखण्ड नेपाल’ पार्टी दर्ता गरेको समाजका कास्की अध्यक्ष पदम बहादुर कार्कीले बताएका छन् । महासचिव खड्काकै अध्यक्षतामा दल दर्ता गराइएको हो । दल दर्ता गराउनमा १८ हजारको हस्ताक्षर समेत बुझाएको अध्यक्ष खड्काले बताए ।

नवगठित दलको महासचिवमा नन्द बहादुर सिंह, कोषाध्यक्षमा केश बहादुर के.सी. छन् । ६ जना उपाध्यक्षमा उदय बहादुर बस्नेत, मान बहादुर के.सी, कृष्ण बहादुर थापा, रोगन गुरुङ, दयाराम पाण्डे र पुष्पा केसी भण्डारी छन् ।

राष्ट्रिय अखण्डताको मुद्दासहित आगामी निर्वाचनमा पार्टीले सहभागिता जनाउने अध्यक्ष खड्काले बताए । दल दर्तासँगै ७५ वटै जिल्लामा पार्टी गठन तथा चुनावी अभियानलाई तिव्र पारिने अध्यक्ष खड्काले बताए ।

माधव बराल, पोखरा

प्रतिकृया दिनुहोस