बाँदरमुढेमा माओवादीले थापेको एम्बुसमा परी ध्वस्त भएको यात्रु बस । तस्बीर: हिमाल अर्काइभ

चितवनको माडीस्थित कल्याणपुर गाविस बाँदरमुढे खोलामा तत्कालीन माओवादीले बिच्छ्याएको विद्युतीय धराप विष्फोट हुँदा ३८ जना सर्वसाधारणसहित तीन सैनिकको ज्यान गएको आठ वर्ष पूरा भएको छ । घटनाका मृतकहरुको स्मृतिमा २३ जेठमा बाँदरमुढेमा आयोजित वार्षिकी तथा शोकसभामा पीडितहरुले अझैसम्म पनि घटनाका दोषिहरुमाथि कारवाही नभएको भन्दै शिघ्र कारवाहीको माग गरेका छन् ।

शोकसभा कार्यक्रममा अधिकारकर्मी तथा पत्रकार कनकमणि दीक्षित, युवराज घिमिरे, दिपकजंग कार्की, गिरिश गिरी तथा विभिन्न राजनीतिक दलका प्रतिनिधिको उपस्थिति थियो ।

कार्यक्रममा वक्ताहरुले घटना जघन्य भएको र पीडित पक्षलाई उचित राहत र दोषीलाई कारबाही हुनुपर्नेमा जोड दिए ।

घटना गराउनेहरु अझै पनि कानूनी दायरामा नआएको भन्दै पिडितहरुले सरकार र माओवादी पक्षसँग घटनामा संलग्नलाई कारबाहीको दायरामा ल्याउन माग गरेका छन् ।

यसअघि माडीको बाँदरमुढे घट्ना पिडितका लागि नेपाल सरकारले उपलब्ध गराउने भनिएको ६० लाख रुपैयाँ पिडितहरुले नलिने घोषणा गरिसकेका छन् । उनीहरुले ६० लाख स्थानीय आवश्यकतालाई ध्यानमा नदिई पीडकहरुलाई कानूनको दायराबाट टाढै राख्ने प्रपञ्च मात्रै भएको आरोप लगाएका छन् ।

माडीको अयोध्यापुरी–९ बगईबाट खचाखच यात्रु लिएर सदरमुकाम भरतपुरतर्फ आउँदै गरेको ना२ख ३२४५ नम्बरको बसमा माओवादीले विद्युतीय धराप विष्फोट गराएको थियो । घटनामा ७५ जना घाइते भएका थिए ।

————————————————————————————————————————–

माडी नरसंहारको आठ वर्ष

हिमालखबर

चितवनको माडीस्थित कल्याणपुर गाविस बाँदरमुढे खोलामा तत्कालीन माओवादीले बिच्छ्याएको विद्युतीय धराप विष्फोट हुँदा ३८ जना सर्वसाधारणसहित तीन सैनिकको ज्यान गएको आठ वर्ष पूरा भएको छ । घटनाका मृतकहरुको स्मृतिमा आज बाँदरमुढेमा वार्षिकी तथा शोकसभाको आयोजना गरिएको छ ।

नेपाली सेनाको सहयोगमा घटनाका पीडितले बाँदरमुढे खोलामा निर्माण गरेको स्मारकमा मृतकका आफन्तले दीप प्रज्ज्वलन गरी मृतआत्माको शान्तिको कामनासमेत गर्नेछन् ।

२३ जेठ २०६२ मा भएको घटनामा ७५ जना घाइते भएका थिए । माडीको अयोध्यापुरी–९ बगईबाट खचाखच यात्रु लिएर सदरमुकाम भरतपुरतर्फ आउँदै गरेको ना२ख ३२४५ नम्बरको बसमा माओवादीले विद्युुतीय धराप विष्फोट गराएको थियो ।

प्रतिकृया दिनुहोस