उच्चस्तरीय समितिको ३१ जेठमा राजधानीमा बसेको बैठकले एमाले अध्यक्ष झलनाथ खनालले सम्हाल्दै आएको संयोजकको जिम्मेवारी गच्छदारलाई दिने निर्णय गरेकोे कांग्रेस उपसभापति रामचन्द्र पौडेलले जानकारी दिए । पौडेलका अनुसार १ असारदेखि गच्छदारले संयोजकको जिम्मेवारी सम्हाल्ने छन् ।

चक्रिय प्रणाली अनुसार समितिको नेतृत्व गर्ने यसअघिको सहमति अनुसार उनलाई संयोजक तोकिएको हो । ३० चैतमा गठन भएको संयन्त्रकको १५ बैठक बसिसकेको छ ।

समितिको बैठकले आन्दोलनरत विभिन्न पक्षहरूलाई वार्ताका लागि आव्हान गर्ने निर्णय गरेको उपसभापति पौडेलले जानकारी दिए । ४ मंसीरका लागि घोषित संविधानसभा निर्वाचनलाई शान्तिपूर्ण रुपमा सम्पन्न गर्नका लागि विभिन्न असन्तुष्ट पक्षहरुसँग वार्ता गर्ने निर्णय गरिएको हो । पौडेलले आफहरू तोकिएको समयमा निर्वाचन गराउन प्रतिवद्ध रहेको बताए ।

प्रतिकृया दिनुहोस