तस्वीरः देबकी विष्ट

आन्दोलनरत दलले ९ असारमा राजधानीमा आयोजना गरेको कार्यक्रममा बोल्दै वैद्यले आफ्नो पार्टी चुनाव विरोधी नभएको बताएका हुन । प्रमुख दलहरुले लचकता देखाउने हो भने निर्वाचनका लागि सहमति जुटाउन सकिने उनको भनाई थियो ।

कार्यक्रममा उनले वर्गीय, जातीय, क्षेत्रीयलगायत समस्या समाधान गर्ने किसिमले संविधानसभा चुनाव भए भाग लिन आफूहरु तयार रहेको बताए ।

कार्यक्रममा नेपाली कांग्रेस नेता दीपकुमार उपाध्यायले देशमा द्वन्द्व सिर्जना गर्नुभन्दा सहमतिको बाटो खोज्नुपर्नेमा जोड दिएका छन् । उपाध्यायले असन्तुष्ट दलहरुको माग संबोधनका लागि कांग्रेस वार्ताका लागी तयार रहेको उल्लेख गरे ।

अर्का वक्ता नेकपा एमाले महासचिव ईश्वर पोखरेलले निर्दलीय सरकार बनेको बिडम्वनापूर्ण अवस्थाबाट देशलाई मुक्त गराउन चुनावको विकल्प नभएकोमा जोड दिए । पोखरेलले यो संविधानसभा चुनाव भएकाले सबै एक भएर जानुपर्ने बताए ।

वैद्य नेतृत्वको मोर्चामा रहेका अन्य दलका नेताहरुले पनि सरकार र प्रमुख दलहरु लचक भए सजिलै राजनीतिक निकास निकाल्न सकिने बताए ।

देबकी विष्ट, काठमाडौं

प्रतिकृया दिनुहोस