महिला कानुन र बिकास मञ्चले राजधानीमा १० असारमा आयोजना गरेको बिघटीत संबिधान सभाको उपलब्धिहरु चुनौतीहरु र सिमान्तकृत वर्गको अधिकार सम्बन्धि अध्ययन प्रतिबेदन बिमोचन कार्यक्रममा पुर्व सभामुख नेम्वाङ । तस्बीर देबकी विष्ट, हिमालखबर

महिला कानुन र विकास मञ्चले राजधानीमा १० असारमा आयोजना गरेको विघटीत संविधानसभाको उपलब्धीहरू, चुनौतिहरू र सीमान्तकृत वर्गको अधिकारसम्बन्धी अध्ययन प्रतिवेदन विमोचन कार्यक्रममा बोल्दै पूर्व सभामुख नेम्वाङले यस्तो धारणा राखेका हुन । उनले अहिलेको अवस्थामा राजनीतिक दलहरूले प्रक्रिया भत्काउँदै गएकाले राजनीति लिग बाहिर गएको टिप्पणी गरे ।

दलहरूले नीजि स्वार्थमा केन्द्रित भएर राष्ट्रिय राजनीतिलाई बिगार्नु भन्दा समस्या समाधानका लागि साझा बिन्दुमा उभिनु पर्ने नेम्वाङको भनाई थियो । उनले संविधानसभा विघटन पश्चात राजनीतिक दलहरू दुई खेमामा बाँडिदा समस्या देखिएको बताए । समस्या समाधानका लागि वार्ता प्रारम्भ गर्न नेम्वाङले राजनीतिक दल र सरकारलाई आग्रह गरे ।
कार्यक्रममा नेम्वाङले वर्तमान सरकार जनताप्रति उत्तरदायी हुन नसक्दा पनि जननिर्वाचित संस्थाको अभाव खड्किएको बताए । दलहरूकै असहमतिका कारण अन्तिम समयमा गएर संविधान जारी हुन नसकेको उनको भनाई थियो ।

देबकी विष्ट, काठमाडौं

प्रतिकृया दिनुहोस