बर्लुस्कोनी पटक पटक यौन सम्बन्धका कारण चर्चामा आउने गरेका छन् ।

नाबालिगसँग यौन सम्बन्ध राखेको आरोपमा इटलीका पूर्व प्रधानमन्त्री सिल्वियो बर्लुस्कोनीलाई त्यहाँको एक अदालतले सात वर्ष जेल सजायका साथै जीवन भर कुनै पनि सार्वजनिक पदमा रहन प्रतिबंध लगाएको छ ।

राजधानी मिलानको अदालतले बर्लुस्कोनीलाई यो मामिला दबाउनका लागि आफ्नो राजनीतिक प्रभाव प्रयोग गरेकोमा पनि अदालतले दोषि ठहर गरेको छ ।

अदालतको यो फैसला यस मुद्दामा हुने अपीलमाथि सुनुवाई भएपछि मात्रै लागु हुनेछ ।

मिलानको नाइट क्लबकी डान्सर समेत रहेकी रुबी र बर्लुस्कोनी दुवैले उनीहरुबीच शारीरिक सम्बन्ध भएको कुरा अस्वीकार गर्दै आएका छन् । बर्लुस्कोनीले आफ्नो राजनीतिक जीवन समाप्त पार्न षडयन्त्रपूर्वक फैसला सुनाइएको आरोप लगाएका छन् ।

रुबीले बर्लुस्कोनीसँग यौन सम्बन्ध नराखेको बताएकी छन् ।

७६ वर्षीय बर्लुस्कोनीले आफ्नो निजी निवासमा पार्टीको आयोजना गरेर १७ बर्षीया करीमा एल महरोग (रुबी) सँग यौन सम्बन्ध कायम गरेको र रुबीलाई सात हजार युरो दिएको आरोप छ ।

तीन पटक प्रधानमन्त्री भइसकेका बर्लुस्कोनीलाई कर छलीको अरोपमा चार वर्षको जेल सजाय सुनाइएको थियो ।

एजेन्सी

प्रतिकृया दिनुहोस