९ वर्षअघिदेखि ह्वीलचेयरबाट यात्रा शुरु गरी बिश्वका ८ राष्ट्र पुगिसकेका ओखलढुंगाका तेजबहादुर कार्की १६ असारमा दाङ आइपुगेका छन् । फरक क्षमता भएका ब्यक्तिहरुले पनि केही गर्न सक्छन् भन्ने सन्देश दिन यात्रा शुरु गरेको उनले बताए ।

भारतको आसाम हुँदै बंगलादेश, भियतनाम, लाओस, मलेसिया, श्रीलंका, बर्मा, थाइल्याण्ड र भुटानको यात्रा गरेका कार्कीले भियतनामा दुःख पाएको र सबै भन्दा बढी स्वागत थाईल्याण्डमा पाएको बताए ।

नेपालका ६८ जिल्लाको भ्रमण पूरा गरी सेकेका उनी नेपाल यात्रा सकेपछि अमेरिका, युरोप जाने तयारीमा छन् । विश्व यात्राका क्रममा जम्मा भएको रकमले शान्ति बालगृह मार्फत असहाय १७ जना बालबालिकालाई पालन पोषण गरिरहेको कार्कीले बताए ।

उनले बाबु आमाले अस्पतालमा छोडेका, सार्वजनिक स्थालमा बेसहरा भेटिएका बालबालिकालाई आश्रय दिनुका साथै अध्ययन पनि गराइरहेका छन् ।

१६ असारमा तुलसीपुरमा आयोजित पत्रकार सम्मेलनमा उनले भने, “मलाई तपाईहरुको सहयोग चाहिएको छ , मेरो उद्देश्य शान्तिको कामना गर्दै बिश्व भ्रमण र त्यसक्रममा जम्मा भएको रकमले बेसहारा बालबालिकाको भविष्य उज्जवल बनाउने हो ।

देविका घर्ती मगर, दाङ

प्रतिकृया दिनुहोस