सप्तरी सदरमुकाम राजविराज–२ बस्ने प्रवीण झाकी २५ वर्षीया श्रीमती राखी झाले १९ असार बिहान आयोजित पत्रकार सम्मेलनमा दाइजोका कारण पटक पटक यातना दिँदै आएका आफ्ना सासु र ससुराले पछिलो पटक गत ११ असार राति केही युवालाई परिचालन गरी आफ्नो अस्मिता लुट्न खोजेको आरोप लगाएकी छन् ।

सप्तरीको बरही वीरपुरका सूर्यनारायण झाकी छोरी राखी र राजविराज–२ चनौरा पड्रियाका राधाकान्त झाका छोरा प्रवीणबीच एक वर्षअघि मागी विवाह भएको थियो ।

विवाह भएदेखि नै श्रीमान्, ससुरा र सासुले विभिन्न अश्लील गालीगलौज गर्दै कुटपिट र घर निकाला गर्दै आएको दुःखेसो पोख्दै उनले गत २०६९ माघ महिनामा पतिसहितले घरबाट निकाला गरेपछि अधिकारकर्मीको सहयोगमा जिल्ला प्रहरी कार्यालयले आफ्नो विवाह दर्ता गराइदिएको तर यातना दिने काम नरोकिएको बताइन् ।

विवाह दर्ता प्रमाणपत्र बनेदेखि सासु र ससुराले अझ क्रुर यातना दिन थालेको उनको आरोप छ ।

अभियुक्तहरुमध्ये चार जना भागे पनि एक जना सल्लाउद्दिनलाई गाउँलेहरुले तत्कालै नियन्त्रणमा लिई परिवारजनको जिम्मा लगाएको उनले बताइन् ।

प्रतिकृया दिनुहोस