३० असारदेखि सडक अवरुद्ध हुँदा सल्यान बाँफुखोला ३ की खिमाकुमारी वली र डाँडागाउँकी बिमला विकको अवस्था गम्भिर बनेको हो ।

अप्रेशन गरेरै बच्चा निकाल्न पर्ने जटिल अवस्था भएकाले कान्तिपुर सामुदायिक अस्पताल श्रीनगरले रिफर गरेको हो ।

२ साउन साँझसम्म अस्पताल नपुर्याए दुबैको आमा र बच्चाको ज्यान जानसक्ने अस्पतालले जनाएको छ ।

दाङ सल्यानको सिमानामा पर्ने राम्री देखि सल्यानको लुहाम बजारसम्म ठाउँठाउँमा ठूल्ठूला ढुंगासहित पहिरो झरेकाले अझै दुई तीन दिन सडक खुल्ने सम्भावना नरहेको जिल्ला प्रहरी कार्यालय सल्यानले जनाएको छ ।

यातायात सञ्चालनका लागि अहिले त्यस क्षेत्रमा तीनवटा डोजर लगाइएको छ । राप्ती लोकमार्गमा सडक कालोपत्रे भइरहेको र ठाँउ ठाँउमा सडक बिग्रेकोले समस्या हुँदै आएको हो ।
सडक जोखिपूर्ण भएकाले दाङ काठमाण्डौंदेखि रुकुम आउने र रुकुमबाट बाहिरिने सवारी साधनलाई यो बाटो पार गर्न तीन दिन लाग्ने गरेको छ ।

लक्ष्मण केसी, रुकुम

प्रतिकृया दिनुहोस