नेपाल प्रहरीको ‘मोष्ट वाण्टेड’ सूचीमा रहेका सुनिल जयसवाललाई सीमावर्ती शहर भारत बिहारस्थित आदापुरबाट पक्राउ गरिएको प्रहरीले जनाएको छ । वरिष्ठ प्रहरी उपरीक्षक सवेन्द्र खनालको नेतृत्वमा सादा पोशाकमा गएको प्रहरीको टोलीले भारतीय प्रहरीको सहयोगमा ११ साउन विहान जयसवाललाई पक्राउ गरेको हो ।

पक्राउ गरिएका जयसवाल अहिले पनि भारतीय प्रहरीकै नियन्त्रणमा छन् । उनलाई नेपाल ल्याउने तयारी भईरहेको नारायणी अञ्चल प्रहरी कार्यालयले जानकारी दिएको छ ।

प्रहरीका अनुसार हत्या, असुली जस्ता अपराधमा संलग्न ३० वर्षीय जयसवाल सुरक्षित आश्रयकालागि विगत केही वर्षदेखि परिवारसहित सीमापारि आदापुरमा बस्दै आएका थिए ।

वारा जिल्लाको गन्जभवानीपुर निवासी जयसवाल एमाओवादीको भोजपुरा राज्य समिति सदस्य सहित चारजनाको हत्याका घटनाका मुख्य योजनाकार समेत हुन् ।

सशस्त्र समूहमा प्रवेश गर्नुअघि जयसवाल सशस्त्र प्रहरीका हवल्दार थिए ।
बिम्मी शर्मा, वीरगञ्ज

प्रतिकृया दिनुहोस