तनहुँको दमौलीमा १५ साउनमा आयोजित पत्रकार सम्मेलनमा बोल्दै एमाओवादी केन्द्रीय सदस्य लोकेन्द्र विष्टले दुवै माओवादीबीच सैद्धान्तिक एकता भएको भन्दै आन्तरिक बिषयमा कुरा नमिल्दा मात्रै पार्टि फुटेको दाबी गरेका छन् ।

“हाम्रा मुद्दाहरु समान छन्, त्यसका पक्षमा बहुमत दिलाउन पनि दुबै दलले चुनावमा भाग लिनु आवश्यक छ,” विष्टले भने ।

निर्वाचन बहिष्कार घोषणा गरेका राजनीतिक शक्तिलाई अन्तिम समयसम्म कुर्ने भन्दै बिष्टले नआए उनीहरुलाई छाडेरै भएपनि चुनावमा जानुपर्ने बाध्यता रहेको बताए ।

चुनाव भांड्नेलाई गोदेरै तह लगाउने

निर्वाचन बहिस्कारको घोषणा गरेको नेकपा–माओवादीसँग सैद्धान्तिक समानता भएको दाबी गर्ने विष्टले निर्वाचन भाँड्न खोज्नेहरुलाई भने गोदेरै भएपनि तह लगाउने चेतावनी पनि दिए ।

कुनै पनि अवस्थामा संविधानसभा चुनाव हुनु आवश्यक रहेको भन्दै उनले कसैले यसलाई विफल पार्ने प्रयत्न गरे बल प्रयोग गर्नुको विकल्प नरहेको बताए ।

आफ्नो पार्टीको सुरक्षा दस्ता वाईसिएलसँगै कांग्रेसको तरुण दल र एमालेको युवा संघलाई पनि निर्वाचन सफल पार्न परिचालन गर्नुपर्ने समेत धारणा व्यक्त गरेका थिए ।
पवन पौडेल, तनहुँ

प्रतिकृया दिनुहोस