कर्तव्यज्यान मुद्दामा सजाय पाएका बाँके मनिकापुर–८ बस्ने ४५ वर्षीय सैफु नाउ गत २० जेठमा जिल्ला कारागार शाखा बाँकेबाट फरार भएकामा प्रहरीले नियन्त्रणमा लिई १७ साउनमा सार्वजनिक गरेको छ ।

नाउ फरार भएपछि कारागारका जेलरलाई निलम्बन गरी खोजी तीव्र पारिएको थियोे । क्षेत्रीय प्रहरी कार्यालय सुर्खेतका प्रहरी नायब उपरीक्षक प्रकाश मल्लको नेतृत्वमा रहेको प्रहरीको टोलीले नाउलाई १६ साउन साँझ ८ बजे बर्दिया जिल्लाक कालिका गाविस वडा नं ६ बाट नियन्त्रणमा लिई आज जिल्ला प्रहरी कार्यालय बाँकेले पत्रकार सम्मेलन गरी सार्वजनिक गरेको हो ।

विसं २०६० जेठ २८ गतेदेखि कैदी जीवन बिताउँदै आएका नाउले ५१.६५ प्रतिशत कैद भुक्तान गरी कारागारको आन्तरिक प्रशासनको दाइ नाइकेका रुपमा काम गर्दै आएको प्रहरी नायब उपरीक्षक प्रेमबहादुर बस्नेतले बताए ।

यसैबीच बाँके प्रहरीले सुनको सिक्री चोरी गर्ने समूहका नाइके हेमराज गिरी र डम्बरबहादुर मगरलाई नियन्त्रणमा लिई मुद्दा चलाएको छ ।
रासस

प्रतिकृया दिनुहोस