किरात भाषा साहित्य विषय समितिका अध्यक्ष वैरागी काइँलालाई लिम्बु पाठ्यक्रम बुझाइँदै ।

१३ साउनमा लिम्बू भाषा पाठ्यक्रम निर्माण समितिले संस्कृत विश्वविद्यालय अन्तर्गतको किराती भाषा साहित्य विषय समितिलाई लिम्बू भाषाको पाठ्यक्रम बुझएपछि यही शैक्षिक सत्रदेखि ऐच्छिक विषयका रूपमा लिम्बूमा पढाइ हुने सम्भावना बढेको हो । लिम्बू भाषा पाठ्यक्रम निर्माण समितिका संयोजक अमर तुम्याहाङका अनुसार, समितिले उत्तरमध्यमा तहको प्रथम र दोस्रो वर्षका लागि पाठ्यक्रम तयार पारेको छ ।

१६ सदस्यीय समितिले बनाएको पाठ्यक्रम किरात याक्थुङ चुम्लुङका अध्यक्ष उत्तमसिं थाङ्देनले किराती भाषा साहित्य विषय समितिका अध्यक्ष तिलविक्रम नेम्बाङ (वैरागी काइँला)लाई बुझएका थिए । नेम्बाङले पनि लिम्बू भाषामा यो शैक्षिक सत्रदेखि नै पढाइ शुरू हुने सम्भावना रहेको बताए ।

क्याम्पसले पनि लिम्बू भाषामा पठनपाठन गर्न सहमति दिइसकेको छ । यसअघि लिम्बू विद्यार्थी मञ्च, संघीय विद्यार्थी युनियन लगायतले लिम्बू भाषामा पठनपाठन गराउन माग गरेका थिए ।

पूर्वाञ्चलका चार वटा प्लस टुमा अहिले पनि लिम्बू भाषामा पठनपाठन हुन्छ भने त्यो क्षेत्रका केही विद्यालयमा पनि कक्षा ५ सम्म लिम्बू भाषामा पढाइ हुन्छ ।

प्रतिकृया दिनुहोस