२१ साउनमा चतराबाट ९० जना यात्रु बोकेर उदयपुरको रामपुर ठोक्सीलातर्फ जाँदै गरेको डुंगा नदी किनारमा यात्रु ओर्लाने बेला पल्टेको थियो । उक्त दुर्घटनामा रामपुर ठोक्सीलाकी पार्वती खड्का र महेन्द्रनगर–४ की चन्द्रकुमारी राईको मृत्यु भएको जिल्ला प्रहरी कार्यलय उदयपुरले जनाएको छ । त्यसैगरी १३ जना वेपत्ता भएका छन् ।

जिल्ला प्रहरी कार्यलय उदपुरका प्रमुख प्रहरी उपरीक्षक अजय भट्टराईका अनुसार वेपत्ता भएकाहरुमा कटुन्जे डबला– ७ का श्री नारायण श्रेष्ठ, सपना मगर, भोजपुरका प्रेम श्रेष्ठ, रामपुर ठोक्सीलाकी मुना खड्का, ठोक्सिला–१ का जुरमान राइ र परस माया राई, ठोक्सिला–३ का कोपीला विष्ट, रोसीका खडका, ठोक्सिला–२ का रत्न वहादुर राई, मैनामैनी– ९ का टेकराज राई र ठेगाना नखुलेका ४ महिनाको बच्चा प्रशान्त लामिछाने, धनकुटा डाँडाबजारका अमृत बिक र सुनसरी चक्रघट्टीका नाम नखुलेका एक जना वेपत्ता भएका छन ।

प्रहरी उपरीक्षक भट्टराईले सप्तकोशीमा आएको बाढीले गर्दा वेपत्ताहरुको खोजीमा कठीनाइ भएको वताएका छन ।
सीता मादेम्बा

प्रतिकृया दिनुहोस