२५ साउनमा धनगढीमा पत्रकारहरुसँग कुरा गर्दै निर्वाचन आयुक्त रामभक्त पिबी ठाकुरले आगामी संविधान सभा निर्वाचनका लागि तस्बीरसहितको मतदाता नामावलीमा छुटेका मतदाताको नामावली सङ्कलनका लागि आयोगले आवश्यक काम गरिरहेको जानकारी दिएका छन् ।

आयुक्त ठाकुरले घोषित मितिमै निर्वाचन सम्पन्न गर्ने गरी आयोगले काम गरिरहेको भन्दै देशभर एकै चरणमा चुनाव हुने बताए । आगामी संविधानसभाको निर्वाचनका लागि आयोगले मतदाता नामावली सङ्कलन गर्ने अन्तिम म्याद गत असार मसान्तसम्म तोकेको थियो ।

तोकिएको अन्तिम म्यादसम्म पनि सबै मतदाता समेटिन नसकेको गुनासो बढेपछि आयोगले छुटेका मतदाताका लागि नामावली सङ्कलन गर्ने मनस्थिति बनाएको जनाएको छ ।

निर्वाचन आयोगको आयोजनामा २५ साउनदेशि कैलालीको धनगढीमा निर्वाचन र सञ्चार विषयक क्षेत्रीय प्रशिक्षक प्रशिक्षण पनि शुरु भएको छ ।

प्रतिकृया दिनुहोस