सिरियामा रासायनिक हतियारको प्रयोग भएको विषयमा निरीक्षणका लागि गएका संयुक्त राष्ट्रसंघीय टोलीका सदस्यलाई राजधानी दमास्कस नजिकै अपरिचित समूहले गोली प्रहार गरी हत्या गरेको छ । राजधानी दमासकसबाट पूर्वी प्रान्ततर्फ गइरहेका बेला गोली हानिएको अन्तर्राष्ट्रिय समाचार संस्थाहरुले जनाएका छन् ।

हत्याको जिम्मेवारी कसैले पनि लिएको छैन भने सिरियाली सरकारले पनि यसबारेमा कुनै प्रतिक्रिया दिएको छैन ।

रासायनिक हतियारको प्रयोगसम्बन्धी अनुसन्धानका लागि विभिन्न अन्तर्राष्ट्रिय समुदाय र राष्ट्रसङ्घले नै आग्रह गरेपछि सिरिया सरकारले उक्त अनुमति दिएको थियो ।

यो हत्यासँगै सिरियामा काम गर्ने राष्ट्रसङ्घका अधिकारीहरुले सुरक्षाको माग गरेका छन् । संयक्त राष्ट्रसङ्का प्रवक्ता मार्टिन नेसर्कीले भनेका छन्, “त्यहाँ रहेका राष्ट्रसङ्का अधिकारीहरुको सवारीमाथि नै आक्रमण भएको थियो, उक्त प्रहारबाट एकजना निरीक्षकको ज्यान गएको छ ।”

यो अवस्थाले सिरियामा काम गर्न गाह्रो छ भन्ने सन्देश दिएको प्रवक्ता नेसर्कीले बताएका छन् ।

सिन्ह्वा

प्रतिकृया दिनुहोस