समाचारमंगलबार, भाद्र ११, २०७०
कार दुर्घटनामा कांग्रेस नेताको निधन
पाल्पा–बुटवल सडकखण्डको मदनपोखरा–४ मा मारुती कार दुर्घटना हुँदा नेपाली कांग्रेस गुल्मीका कोषाध्यक्ष ५५ वर्षीय हरीप्रसाद न्यौपाने र चालक करिब २२ वर्षका ईशव नेपालीको घटनास्थलमै ज्यान गएको जिल्ला प्रहरी कार्यालय पाल्पाले जनाएको छ ।
गुल्मी, तम्घास– ५ निवासी न्यौपाने गुल्मी निर्माण ब्यवसायी संघका अध्यक्ष समेत थिए ।
पाल्पाका प्रहरी नायव उपरीक्षक स्थानेश्वर रेग्मीका अनुसार सडकमाथि बाट एक्कासी खसेको ढुंगाले गर्दा गुडिरहेको गाडी अनियन्त्रित भई सडक बाट ३५ मिटर तल पल्टेको थियो ।
देव पचभैया, पाल्पा
