नेकपा–माओवादीका सचिव देब गुरुङ नेतृत्वको मोर्चा टोलीले १३ भदौमा राष्ट्रपति रामवरण यादवलाई भेटेर संविधान सभाको निर्वाचन हुनुअघि दलहरुको गोलमेच सम्मेलन जरुरी रहेको भन्दै सम्मेलनका लागि सहजकर्ता बन्न आग्रह गरेको छ ।

भेटपछि सञ्चारकर्मीहरुसँग कुरा गर्दै नेकपा–माओवादीका सचिव देव गुरुङले चार दलले एकतर्फी रुपमा वार्ता भंग गरेको दाबी गर्दै यस्तो क्रियाकलापले मुलुकलाई थप द्वन्द्वमा लैजाने बताए ।

गुरुङले राजनीतिक सहमतिमार्फत नै आफूहरु समस्या समाधानको पक्षमा रहे पनि चार राजनीतिक दलले वार्ताको पहल नगरेको आरोप लगाए । सरकार पनि समस्या समाधानका लागि उदासिन रहेको उनको आरोप थियो ।

चार राजनीतिक दल र सरकारले एकपक्षीय ढंगबाट निर्वाचनको कार्यक्रम अघि बढाए त्यसको सशक्त प्रतिरोध गर्ने भन्दै गुरुङले दलहरु जानाजान मुलुकलाई द्वन्द्वमा धकेल्न उद्यत रहेकोे आरोप पनि लगाएका थिए ।

प्रतिकृया दिनुहोस