दक्षिण एसियाली राष्ट्रका राष्ट्रिय टोली सहभागी साफ च्याम्पियनसीप फुटवल प्रतियोगिताअन्तर्गत १५ भदौमा दशरथ रंगशालामा भएको उद्घाटन खेलमा नेपालले बङ्गलादेशलाई २–० गोल अन्तरले हराएको छ ।

नेपालका लागि अनिल गुरुङले खेलको १८ औँ मिनेटमा भोला सिलवालको पासमा हेडमार्फत गोल गरेका थिए । त्यस्तै नेपालका अर्का खेलाडी भरत खवासले खेलको ३१ औं मिनेटमा थप एक गोल गर्दै टिमको अग्रता दोब्बर बनाए । त्यसपछि खेलमा दवै पक्षबाट कुनै गोल हुन सकेन ।

जितसँगै समूह ए मा रहेको नेपालले महत्वपूर्ण ३ अङ्क जोडेको छ । फुटबल हेर्न करिब ३० हजार दर्शक रङ्गशाला आएको एन्फाले जनाएको छ ।

यसअघि सन् २०११ मा भएको सातौँ संस्करणमा भने नेपाल बङ्गलादेशसँग १–० पराजित भएको थियो ।

प्रतियोगिताअन्तर्गत १६ भदौ साँझ ६:३० बजे दशरथ रङ्गशालामा भारतले पाकिस्तानको सामना गर्नेछ ।

प्रतिकृया दिनुहोस