२० भदौ विहान आठ बजे उपल्लो मादी जलविद्युत आयोजनाको सुरुङ मार्गको माथिल्लो भागमा रहेको ढिस्को खस्दा कास्कीको निर्मलपोखरी गाविस घर भएका ईलेक्ट्रिसियन अन्दाजी ४० वर्षीय सुकदेव भट्टराई वेपत्ता भएका छन् ।

आयोजनामा कार्यरत मदुरहरुले बस्न बनाएको अस्थायी छाप्रोलाई पनि पहिराले पुरेको छ भने उनीहरुका सम्पूर्ण समान पनि पुरिएका छन् । मजदुरहरुले आफ्ना महत्वपूर्ण कागजपत्र र केही पैसा पनि पहिरोमा पुरिएको बताए । पहिरो खसेपछि ५÷६ जना कामदार सुरुङबाट बाहिर निस्कन सफल भएका थिए ।

स्थानीयबासीका अनसार आयोजनाको ड्याम नजिकै करिव ३० मिटरको पहिलो खसेको हो । सुरुङ मार्ग बनाउँदा चट्टान फोड्न विष्फोटक पदार्थ प्रयोग गरिएकोले वर्षाको समयमा कमलो भएको जमिनमा पहिरो खसेको अनुमान स्थानीयबासीको छ । घटनास्थल पोखराबाट करिव १५ किमी उत्तरपूर्वमा पर्दछ ।

२५ मेगावाटको लघु जलविद्युत आयोजनाको काम गत माघदेखि शुरु भएको हो ।
माधव बराल, पोखरा

प्रतिकृया दिनुहोस