नेकपा–माओवादीका केन्द्रीय सदस्य तथा मधेशी मुक्ति मोर्चाका केन्द्रीय उपाध्यक्ष सूर्यनाथ यादव, नेकपा–माओवादीको मिथिला राज्य समिति सदस्य तथा अखिल नेपाल महिला संघ क्रान्तिकारीका केन्द्रीय सदस्य लक्ष्मी चौधरी र मिथिला राज्य समिति सदस्य तथा सप्तरी जिल्ला सहसेक्रेटरी उपेन्द्र नारायण साहले सामूहिक रूपमा राजविराजमा पत्रकार सम्मेलन गरी पार्टी परित्यागको घोषणा गरेका छन् ।

२७ भदौमा सप्तरीको राजविराजमा पत्रकार सम्मेलन गरी यादवले नेकपा–माओवादी, एमाओवादी लगायतका कम्युनिष्ट पार्टीहरुले मधेशको हित नगर्ने दाबी गरेका थिए ।

मधेसको समस्या समाधान गर्ने नाममा तत्कालिन माओवादीको नेतृत्वमा आफूले दुई दशकअघि बन्दुक उठाए पनि सफलता नमिलेको र यि पार्टीहरु भविष्यमा पनि सफल हुन नसक्ने यादवको भनाई छ ।

उनले जनआन्दोलन र मधेश आन्दोलनका शहीदहरुको सम्मान गर्दै मधेशको हितका लागि भने आन्दोलित भइरहने बताएका थिए । २०५४ सालदेखि तत्कालिन नेकपा माओवादीमा लागेका यादवले सशस्त्र हिंसाका बेला पटक–पटक जेल जीवन विताइसकेका छन् ।

प्रतिकृया दिनुहोस