उमेर ढल्किसके पनि पिताले दाइजोको प्रबन्धका गर्न नसक्दा  विवाह नहुने भएपछि पाकिस्तानको को पञ्जाव राज्यको लोधरान जिल्लाका चार दिदीबहिनी मुनिरा, जिनत, नाजिया र फैजाले नहरमा हाम फालेर आत्महत्या गरेका छन् । पाँचौ बहिनी कान्छी परविनले पनि सँगै नहरमा हामफालेको भए पनि गाउँलेले उनको उद्दार गर्न सफल भएका थिए । सबैभन्दा जेठीको उमेर ३५ र कान्छीको २४ रहेको बताइएको छ ।

गरिब किसान बसिरका छोरीहरु गरिबीका कारण बाबुले दाइजोको ब्यवस्था गर्न नसक्दा विवाह नभएकोमा चिन्तित् भएको गाउँलेहरुले बताएका छन् । “बिवाहमा ढिलाई र चरम गरीबीले मेरा छोरीहरु यस्तो कदम चाल्न वाध्य भए,” बाबु बसिरले प्रहरीलाई दिएको बयानमा भनेका छन् ।

लाहोरबाट करिब ३ सय किलोमिटर टाढा लोधरानमा बस्ने बसिरले आफूसँग छोरीको विवाहका लागि पैसा पैसा नभएको बताए । “मसँगै भएको सबै पूँजी अरु दुई छोरीको विवाहमै सकियो” छोरीहरुले हामफालेको नहरछेउ टोलाएका  बसिरले भने, “कसैका पनि मेराजस्ता धेरै ( ७ जना ) छोरी नहोउन् ।”

एजेन्सीहरु

प्रतिकृया दिनुहोस